Літаратурны інстытут імя А. М. Горкага — вышэйшая навучальная ўстанова гуманітарнага профілю ў Маскве. Навучанне праводзіцца на двух факультэтах. На вочным факультэце навучанне вядзецца па праграмах «бакалаўрыят», «спецыяліст», «магістр» па дзвюх спецыяльнасцях. На завочным факультэце навучанне ажыццяўляецца толькі па праграме падрыхтоўкі спецыялістаў і толькі па спецыяльнасці «літаратурная творчасць». Аддзяленне мастацкага перакладу рыхтуе перакладчыкаў мастацкай літаратуры з англійскай, французскай, нямецкай, італьянскай і карэйскай моў. Таксама пры інстытуце дзейнічаюць аспірантура і дактарантура.